!!زمااااااااااااان وأنا صغير

!!ليت الطفولة تعود يوماً

زمان واحنا صغيرين كنا غير دلوقتي خالص

في الشكل والتطبيق

زمان كنت تلاقي الشجاعة والاقدام

اكيد ولو مرة مسكت ضفدعة أو وانت لسة نونو مسكت صرصار

يععععععععععععع

أو ممكن تكون مسكت نار مثلاً ولا همك

ولما كبرنا...علمونا الخوف والجبن...قالوا عشان تعيش

زمان تلاقي الصدق والصراحة

اكيد فاكر جارتكو اللي الحاجة ياما قالت ان لسانها زي العقربة

أو ان عينيها تفلق الحجر

وانت بمنتهى البساطة قلتلها أو طلبت منها تشوف لسانها

أو جبتلها حجر وطلبت منها تستخدم ألعابها السحرية وتفلقه بعينيها

كان ممكن تقول لأي حد انك بتحبه

وممكن تقول لأي حد انك بتكرهه

ولا كان يهمك أتخن تخين

لما كبرنا...علمونا الكدب والنفاق...قالوا دبلوماسية ولباقة

كنت تتفرج على أفلام ومسلسلات الكارتون

وتقعد تتخيل

انت علاء الدين ومعاك المصباح

أو بيتر بان أو سندباد وهتلف العالم في سفينة

أوانت ماهر...هتركب مازنجر وتقتل أبو الغضب

أو انت كابتن ماجد...وهتكسب كاس العالم

او انت سوبر مان بتطييييييييييير.. قوتك خارقة وهتنقذ العالم

كان ممكن حد يسألك

نفسك تطلع ايه لما تكبر

تقول له: نفسي اطلع القمر

ساعات يبقى نفسك تطلع مهندس

وساعات تحلم تبقى ظابط

أو دكتور

أو حتى رئيس جمهورية

أو حتى تبقى زيي وتحكم كوكب بحاله

لما كبرنا

بقى أحسن أحلامنا اننا نلاقي وظيفة بمية وخمسين جنيه

بقى حلمك تبقى كاشيير في محل عصير قصب

أو جارسون في مطعم كشري

وانت صغير كان أبوك وأمك بيحلمو تحقق اللي مقدروش يحققوه

كانوا بيبنوا عليك أحلام كبيييييييييييرة قوي

لما كبرنا...خيبنا أمل نفسنا قبل ما نخيب أملهم

وانت صغير كنت تعيط
محدش يقولك متعيطش
كنت تضحك
محدش يقولك متضحكش
كنت تلعب
محدش يقولك متلعبش
ولما كبرنا
بقى العياط ضعف
والضحك هيافة
واللعب عبط

يا ريتني فضلت صغير ما كبرتش

C`est La Vie!!

Spain's Rafael Nadal, left, and Switzerland's Roger Federer pose with their trophy after the men's final match of the French Open tennis tournament at the Roland Garros stadium in Paris, Sunday, June 10, 2007. Nadal won 6-3, 4-6, 6-3, 6-4. (AP Photo/Michel Spingler)

Source: www.tennis.com

**************************************************************************

نادال للمرة التالتة ع التوالي يفوز برولاند جاروس

حاجة تاريخية محصلتش غير مرة واحدة قبل كدة

أما فيدرير فاتغلب في النهائي للمرة التانية ع التوالي

خيبة أمل ليه ولمشجعيه...بس تتعوض

كان ممكن يعمل حاجة تاريخية أكبر من كده لو فاز

طبعاً التنس لعبة مفيش كلام

مجرد لعبة

لكن

أنا اتعودت احترم اي حد عنده حاجة بيؤمن بيها وبيسعى لبها

يمكن روجر فيدرير عنده الحاجة دي

يمكن هينة أو حتى هايفة في نظر بعضنا أو كلنا

لكنها جديرة بالاحترام

المقياس في قيمة الشئ اللي انت بتسعى له -من وجهة نظري- مرتبطة اكتر بمدى ايمانك بيها

زي ما بقول....بالنسبة لنا التنس مجرد لعبة هبلة

لكنها بالنسبة له أكبر من كده بكتير

الفلوس اللي كسبها فيدرير من التنس عدت التلاتين مليون دولار

غير الاعلانات والذي منه

يعني الحكاية مش مجرد فلوس

ما علينا

بالمناسبة أنا بحب لعب نادال جداً

لكن فيه فرق كبير بينهم في الروح

ده غير اني بضايق من نظراته بعد ما يخد نقطة ولا حاجة

تلاقي نظرة رزلة كده بتقول: وريني آخرك

ولما تيجي فيه النقطة يبص في الأرض وينشف عرقه ويقعد يعدل الشراب

!!ما علينا

المهم أهو كسب الحلة...وفيدرير خد الصينية

:lol:

أرزاااااااااااااااااااااااااق

!!المعمعه

النهارده...الاتنين الاصحاب الحلوين دول هيلعبوا ضد بعض كالعادة

نهائي رولاند جاروس تاني بطولات الماجورز والبطولة الاكتر شعبية في العالم

نادال بيحاول يحافظ على لقب البطولة اللي شايله بقاله سنتين

وطبعاً هو مخسرش في رولاند جاروس ولا مرة

السنتين اللي اشترك فيهم كسب فيهم البطولة

أما فيدرير

فبيحاول يكسبها عشان يبقى فاز بالبطولات الأربعة

هو فاز باستراليا 3 مرات

ويمبلدون 4 مرات

وأمريكا 3مرات

وخايف يحصله زي ما حصل لبيتر سامبراس اللي كسب 14 لقب جرند سلام مفيهمش ولا واحد في رولاند جاروس

بوصول فيدرير للنهائي يبقى سجل رقم قياسي جديد وهو وصوله لنهائي 8 جراند سلام متتالية

بقال سنتين بيوصل لنهائي الاربع بطولات

ولو فاز يبقى فاز باربع ألقاب جراند سلام متتالين وإن كانوا مش في سنة واحدة

بطولة السيدات بقى...فازت بيها جيستين إنين

للمرة الرابعة في تاريخها تفوز بالبطولة والمرة التالتة ع التوالي

وده انجاز ما اتكررش من ساعة ما حققته مونيكا سيلز 90-92

جيستين لعبت ضد آنّــا إيفانوفيتش وخلص بمجموعتين متتالتين 6-1 و6-2

رولاند جاروس السنة دي ولأول مرة في تاريخ اللعبة ساوت بين جوايز الرجال والسيدات

مبروك عليكي المليون و350 ألف دولار يا جيستين

أرنب وورك بالهنا والشفا

:lol:

أما إيفانوفيتش فخدت ستمية وسبيعين أستك أخضر بالصلاة ع النبي

*********************************************************

اوعدنا يا رب انشالله بطولة المحلة الكبرى حتى

وأنا لو اتشهرت واتغنيت زي البني آدمين دول

أنا والله ناوي اتبرع بالفلوس لمستشفى السرطان والحاجت دي

هكتفي بفلوس الاعلانات

بيقولوا شارابوفا بتعمل اعلانات بسبعة مليون بس في السنة

:lol:

أرزااااااااااااااااااااااااااااااااااااااااااااااااااااااااااااااااااااااق

!!بلوتو

!!الجماعة اللي ساكنين كوكب الأرض كائنات غريبة جداً
هم ما شفوش بلوتو غير في الصور وعمرهم طبعاً ما راحوه
ناسا تقول لهم فيه بلوتو وتوريلهم شوية صور...يصدقوا
ترجع تقولهم ان بلوتو ده طلع قمر مش عارف تابع لايه...يصدقوا
أي حد يقولهم أي حاجة يصدقوا...ولو حاولوا يتغيروا مش بيصدقوا لمجرد الاعتراض
بالظبط زي الجرايد اللي عندهم
جرايد تبينلك ان الدنيا وردييييييييييييي.......وجرايد توريك الدنيا كحليييييييييي
والقراء كل واحد بيجيب الجرايد اللي على مزاجه
لكن مفيش مقاييس عند الجماعة بتوع الكوكب دول يفكروا بيها ويشوفوا الخبر صح ولا غلط
هم ماشيين مع الهوجة وخلاص
بالظبط زي ما عمرو بن العاص قال عن شعب كده عايش على نهر
"قال:"يجمعهم مزمار وتفرقهم عصا
بس أنا حاسس ان الوصف ده يليق على سكان الكوكب كله
ما علينا

حكاية بلوتو ببساطة...إن سكان (المشترى) عاوزين يحتلوه لأن فيه مادة ما
مش هاقدر أقول على اسمها عشان دي أسرار الكواكب الاكتر تقدماً
المهم إن (المشترى) في مجلس المجرة ألف قصة هبله كمبرر لضرب بلوتو
(وطبعاً (زحل) عمل نفسه مقتنع عشان مصالحه مع (المشترى
ومع الضغط، الكواكب العبيطة الصغيرة وافقت
إلا كوكب الأرض...لأن سكانه (الأذكياء) قسموه بينهم بخطوط (وهمية) ع الخريطة
فملهوش حاكم عام نخاطبه...وملهمش تواجد في مجلس المجرة
المهم (المشترى) بالبحث عرف ان أمريكا هي اللي عندها قدرات فضائية
صحيح محدودة لكنها كفايه عشان يقدر يتصل بيهم
المهم
شوية وعود وتنسيق بينهم وبين المريخ عشان يعملوا شوية أبحاث ويجيبوا شوية أمراض مش في كوكبهم عشان يستخدموها في حروبهم اللي بيولعوها عشان نشر الحرية والديموقراطية
وكالة ناسا بتاعتهم نشرت الخبر الكاذب إن مفيش كوكب إسمه بلوتو
والبني آدميين الـ.... الـ... الأذكيا صدقوهم
المهم إن أمريكا رغم تخلفها العلمي والتكنولوجي علمت (المشترى) خدعة حربية جديدة
المشترى أثار فتن وقلاقل بين سكان بلوتو فبدأو الـ... الـ... الأذكيا يضربوا بعض
بدل ما يوفروا ذخيرتهم لحربهم الجاية بيخلصوها في تخليصهم على بعض
ما علينا

المهم
أنا بصفتي الحاكم العام لكوكب أورانوس لازلت عند موقفي في رفض إدعاءات المشترى
ولازلت أعترف ببلوتو كوكباً تابعاً لنجم الشمس...عضواً في مجرة درب التبانة
وأي اعتداء على بلوتو من أي كوكب طماع هيكون بمثابة اعتداء على كوكبي
مهو دور...لو سبناه يعمل اللي هو عاوزه...هيبقى دور يلف علينا كلنا
زي قصة الثور الأحمر
!!عارفينها ولا لأ؟؟؟؟

UP!!

SHANIA TWAIN LYRICS"

Up!

"It's 'bout as bad as it could be

Seems everybody's buggin' me

Like nothing wants to go my way--

yeah, it just ain't been my day

Nothin's comin' easily

Even my skin is acting weird

I wish that I could grow a beard

Then I could cover up my spots

not play connect the dots

I just wanna disappear

[Chorus:]

Up--up--up--

Can only go up from here

Up--up--up--Up

where the clouds gonna clear

Up--up--up--

There's no way but up from here

Even something as simple as

Forgettin' to fill up on gas

There ain't no explanation why--

things like that can make you cry

Just gotta learn to have a laugh

[Repeat Chorus]

Oh yeah, yeah, yeah...

When everything is goin' wrong

Don't worry, it won't last for long

Yeah, it's all gonna come around

Don't go let it get you down

You gotta keep on holding on

It's 'bout as bad as it could be

Seems everybody's buggin' me

Like nothing want to go my way--

yeah, it just ain't been my day

Nothin's comin' easily

[Repeat Chorus]

Oh-- I'm going up [4x]

Oh yeah, yeah, yeah...

The Massacre at Chios (Detail)

The Massacre at Chios(Detail)

1824

Oil on canvas

417 x 354 cm

Musée du Louvre, Paris

James Horner..

محدش فينا مسمعش الموسيقى بتاعة العبقري ده
يمكن مفيش حد مننا إلا عنده ولو قطعة موسيقية واحدة ليه
بس ميعرفهوش
جيمس هورنر



جيمس هورنر هو السبب في اني حبيت الموسيقى الكلاسيكية
كان أول ألبوم موسيقى أشتريه في حياتي Brave Heart والألبوم بتاع
كنت وقتها مش بسمع غير البوب والكانتري وشوية روك
لغاية ما شفت الفيلم وبالصدفة لقيت الألبوم فاشتريته
وبدأت أدور على معلومات عن جيمس هورنر
Legends Of The Fall واتصدمت لما عرفت ان هو اللي عمل موسيقى فيلم
Brave Heart تاني أفضل فيلم عندي بعد
وطبعاً توالت الصدمات
!!جيمس هورنر عمل موسيقى اكتر من 130 فيلم
منهم
The Watcher (1978)
The Land Before Time (1988)
Sneakers (1992)
The Man Without a Face (1993)
Legends of the Fall (1994)
Braveheart (1995)
Casper (1995)
Apollo 13 (1995)
Jade (1995)
Jumanji (1995)
Titanic (1997)
Deep Impact (1998)
The Mask of Zorro (1998)
A Beautiful Mind (2001)
Troy (2004)
The Forgotten (2004)
The Legend of Zorro (2005)
!!كفاية كده
جيمس هورنر فاز بجايزتين أوسكار واترشح لها 7 مرات تانيين
ده غير 32 جايزة مختلفة فاز بيها و21 ترشيح تانيين
الراجل معدي وطبعاً حقه

:لو عاوز تعرف أكتر عنه ادخل ع اللينك ده

http://www.imdb.com/name/nm0000035/